The Hurt Locker - එලම තමා!

2010 වසරේ ඇකඩමි (ඔස්කාර්) සම්මාන උළෙලේ හොඳම සිනමා කෘතිය, හොඳම අධ්‍යක්ෂණය ඇතුළු සම්මාන 6 ක් දිනාගැනීමට The Hurt Locker චිත්‍රපටිය සමත්ව තිබෙනවා. සම්මාන 9කට නිර්දේශ වූ මෙම චිත්‍රපටිය ඉරාක යුද්ධය අළලා සකස්කරන ලද්දක්.

යුද සිනමා කෘතියක සාමාන්‍යයෙන් දක්නට නොලැබෙන තේමාවක් වන බෝම්බ නිෂ්ක්‍රීය අංශයේ සෙබළුන්ගේ කැපවීම, ඔවුනට ඇතිවන බාධක සහ ඔවුන් මුහුණපාන ජීවිත අවදානම මෙම සිනමා කෘතියේ තේමාව වී තිබෙනවා.

මිනිත්තු 131 ක් දිවෙන මෙම චිත්‍රපටයේ උද්වේගකාරී කතාව ප්‍රේක්ෂකයාගේ අවධානය රැකගැනීමට සමත්. හොලිවුඩ් චිත්‍රාගාරවලින් බැහැරව, ජෝර්දානයේ රූගත කළ මෙම චිත්‍රපටය IMDB ශ්‍රේණිගතකිරීමෙන් 8.0 ක් ලබා තිබෙනවා. 2008 වසරේ තිරගතවීම ඇරඹුනද, මෙය ඔස්කාර් සම්මාන සඳහා සුදුසුකම් ලැබූයේ 2009  වසරේ තිරගත චිත්‍රපටයක් ලෙසයි.

ඔස්කාර් සම්මාන 6 ට අමතරව තවත් සම්මාන 70ක් දිනා තිබීමද, 45 කට නිර්දේශව තිබීමද මෙම සිනමා කෘතියේ විශිෂ්ඨත්වයට නිදසුනක්. සිතන්නට යමක් ඉතිරි කරන, (කුමන රටේ හෝ වේවා ) රණවිරුවගේ කැපවීම පිළිබිඹු කරන චිත්‍රපටයක් නරඹන්නට ඔබ කැමතිනම් The Hurt Locker කදිම තේරීමක් වනු ඇති.

මෙම චිත්‍රපටිය ටොරන්ට් වලින් බාගන්න පහල ක්ලික් කරන්න.

BRRip පිටපතක් පහත සබැඳුම් වලින් බාගත හැකියි. (1280 x 668, 23.976 fps, 450 MB, MKV)

part-1

part-2

part-03

හොඳ නරකත් දාලම යන්නකෝ එහෙනම්!