කොහොමද ඉතින් හැමෝටම!

අවුරුදු කීපයකට කලින් අන්තර්ජාලයෙන් මුදල් හොයන හැටි ගැන ලිපි කීපයක් පල කරා. හැබැයි ඒ මේ වෙබ් අඩවියේ නෙමෙයි. ඒ #blogshan කියන වෙබ් අඩවියේ. කාලයාගේ ඇවෑමෙන් ඒ වෙබ් අඩවිය කෙමෙන් කෙමෙන් මේ අද තියෙන #sirKinaa කියන බ්ලොග් අඩවිය බවට පෙරලුනා. කොහොමවුනත්, ඒ ලිපි වලට හොඳ ඉල්ලුමක් තිබුන නිසාම මේ 2015 අවුරුද්ද ඉවර වෙන්න ඔන්න මෙන්න තියෙද්දී මේ අවුරුද්දේ මම පාවිච්චි කරපු වෙබ් අඩවි වලින් මට සෑහීමකට පත්වෙන්න පුලුවන් අන්තර්ජාලයෙන් මුදල් හොයනන්න පුලුවන් අඩවි කීපයකම විස්තර ඔබට කියලා දෙන්නයි මේ සූදානම.

පහතින් සඳහන් කරලා තියෙන හැම වෙබ් අඩවියක්ම මේ වෙද්දී අන්තර්ජාලයේ ඉතාමත් පිළිගත් වෙබ් අඩවි කිහිපයක්. ඒ සෑම අඩවියකින්ම ඔබට අනෙක් වෙබ් අඩවි හා සංසන්ධනය කරනවිට ඊට වඩා බොහෝ විශාල මුදලක් ඔබට ඉපැයීමට හැකියාවක් ලැබෙනු ඇත. මේ සෑම අඩවියකටම මුදල් ගෙවනු ලැබූ ප්‍රමාණය, ඔවුන්ගේ නම් ද සමඟ ඇතුලත්ව ඇති නිසා, අලුතින් ලියාපදිංචි වීමට සිටින සාමාජිකයෙකුට වූවත් එම වෙබ් අඩවිය පිළිබඳ හොඳ අවබෝධයක් ඒ මඟින් ලබාගන්නට හැකිය.  ඒ වගේම, මෙම වෙබ් අඩවි වල ලියාපදිංචි වීමේදී කිසිම මුදලක් ඔවුන්ට ලබා දීමට අවශ්‍යය නොවේ. සම්පූර්ණයෙන්ම නොමිලේ ලියාපදිංචි වීමට ඔබට හැකිවෙනු ඇත.

මෙම වෙබ් අඩවි වල ඇති ප්‍රධාන කාරණයක් වනුයේ, අනෙකුත් මුදල් සෙවීමේ වෙබ් අඩවි වලට වඩා බොහෝ අඩු කාලයක් වැයකොට ඉතා පහසුවෙන් මුදල් සෙවිය හැක. එමෙන්ම, මෙහි සඳහන් කර ඇති සමහර වෙබ් අඩවි මඟින් ඔබට කැසිනෝ ආකාරයේ ක්‍රීඩා කරන්නට හැකි අතර, ඒවාගෙන් ඔබට සැබෑ මුදල් අයකිරීමටත්, වැය කිරීමටත් හැකියාවක් ඇත. පහත දක්වා ඇති වෙබ් අඩවි වලින් මුදල් විශාල වශයෙන් සොයන අයුරු පිළිබඳ සටහනක් ද එම අඩවි වලට වෙන් වෙන් වශයෙන් ඔබට මේ ලිපියේ දී ම පැහැදිලි කර ඇත.

අදාල වෙබ් අඩවියේ සටහන ඇති කොටසේ ඇති පින්තූරය මත ක්ලික් කර එම අඩවියට පිවිස සාමාජිකයකු වී ඔබටත් සතියක්, දෙකක් ඇතුලත ඩොලර් පහකටත් වඩා ආදායමක් ගත හැක.

ඔබ මෙම වෙබ් අඩවි වල ලියාපදිංචි වූවාට පසුව, ඉඳිරියට ඔබ කලයුතු දේවල් පිළිබඳව ඔබට අවශ්‍යයනම් මට උදව් කල හැක. එම වෙබ් අඩවි පිළිබඳ තිබෙන සෑම දුර්වරණ වූ මතකයක්ම :P දුරු කර ඔබට හැකි උපරිම අයුරින් උදව් කරන්නට මා වග බලා ගනිමි. :3 :O

මේ වෙබ් අඩවි වලින් බොහෝමයක් ම මුදල් ගණුදෙනු කරනු ලබන්නේ PayPal අන්තර්ජාල බැංකු ගිණුම හරහායි. ඔබ මෙම වෙබ් අඩවි වල ලියාපදිංචි වීමට ප්‍රථම, ඔබට PayPal ගිණුමක් නොමැතිනම් දැන්ම එම ගිණුමක් විවෘත කරගන්න. මෙම වෙබ් අඩවි වල පේපැල් වලට ගෙවීම් නොකරනවානම් අනිවාර්යෙන්ම ඔබට ඔබේ බැංකු ගිණුමට මුදල් බැරකර ගත හැක.

ඔබට වැඩි වැඩියෙන් මුදල් හම්බරකර ගැනීමට අවශ්‍යයනම්, පහත දක්වා ඇති සියළුම අඩවි වල ලියාපදිංචි වීම මම නිර්දේෂ කරනු ලබනවා.

01. Paidverts

Paidverts කියන්නේ වැඩි වශයෙන් ගෙවීම් කරනු ලබන නොමිලේ මුදල් සෙවිය හැකි වෙබ් අඩවියක්. ඔබට තත්පර 30 ක පමණ කාලයක් වලංගු වන දැන්වීම් නරඹන්නට සිදුවනු ඇත. සමහර වේලාවට එම දැන්වීම් ඉතාමත් වැඩි මුදලක් ගෙවනු ලබන දැන්වීම් වනු ලබනවා. අනෙකුත් වෙබ් අඩවි වල එකම මුදල ලබා දුන්නත්, මෙම වෙබ් අඩවියේ දී දැන්වීමකට ලැබෙනු මුදල එකිනෙකට වෙනස් වනු ලබනවා. සමහර දැන්වීම් වලට ඩොලර් 1 ක් පවා ලැබෙන අවස්ථා ද දක්නට ලැබෙනවා. සෑම රටකටම මේ මේ වෙබ් අඩවිය විවෘතයි. ඩොලර් 2 කින් පසුව ඔබේ පේපැල් ගිණුමට මුදල් බැරකර ගැනීමට ද හැක. 

ඔබට මෙම Paidverts මඟින් මුලින් කීවාක් මෙන්ම වැඩි වශයෙන් මුදල් සෙවිය හැකි මෙන්ම මෙම අඩවිය ඉතාමත් විශ්වාසදායී වෙබ් අඩවියක්. මේ වනතෙක් කිසිම සාමාජිකයෙකුගෙන් මුදල් නොලැබීමක් පිළිබඳ ෆීඩ්බැක් එකක් හොයාගන්නවත් නැති තරම්. මේ Paidverts කියන වෙබ් අඩවිය Mytrafficvalue කියන වෙබ් අඩවියේ කොටසක්. Mytrafficvalue කියන්නේ අවුරුදු ගාණක ඉදන් තමන්ගේ පාරිභෝගිකයන්ගේ විශ්වාස තබාගෙන මුදල් ගෙවනු ලැබූ/ ලබන වෙබ් අඩවියක්. ඔබට ඉතාමත් කෙටි දවස් කිහිපයකින් ඩොලර් 2 ක් සොයාගෙන එය ඔබේ පේපැල් ගිණුමට බැරකර ගත හැක. ඉහතින් ඇති ඉමේජය මත ක්ලික් කර පෙයිඩ්වර්ට්ස් වෙත ගොස් ලියාපදිංචි වී දැන්ම මුදල් සෙවීම ආරම්භ කරන්න.

මෙම වෙබ් අඩවියෙන් මුදල් සෙවීම ඉතාමත් පහසුයි. නමුත්, ඔබ ඊට ප්‍රථම මෙම වෙබ් අඩවිය ක්‍රියාත්මක වන අයුරු පිළිබඳ අවධානයක් යොමුකල යුතුයි. මෙම වෙබ් අඩවියේ ඇති දැන්වීම් ඔබට පෙන්වනු ලබන්නේ මෙහි ඇති BAP (Bonus Ad Points) යන පොයින්ට් තිබෙනාවනම් පමණි. ඔබට දැන්වීම් පෙන්වීමට කලින් ඔබට BAP සොයාගන්නට සිදුවනු ඇත. ඒ සඳහා ඔවුන් BAP පොයින්ට් සොයාගැනීමට දවසට දැන්වීම් කිහිපයක් දෙනු ලබනවා. එහි ඇති එක දැන්වීමකින් ඔභට BAP 25 ක් ලබාදෙනු ලබයි. එහි ඇති BAP පොයින්ට් එකතු කරගත්තාට පසුව ඔබට මුදල් සෙවිය හැකි දැන්වීම් පෙන්වනු ලබනවා.

මේ වෙබ් අඩවියට මුදල් ඉන්වෙස්ට් කරන අය දවසට ඩොලර් 100 ට වඩා හම්බකරනවා. තමන්ගේ දැනට තියෙන සල්ලි ඉන්වෙන්ස්ට් නොකර නිකම්ම සල්ලි හොයන්න ඕනනම් ඉතින් කරන්න තියෙන්නේ BAP පුලුවන් තරම් හොයලා දැන්වීම් අරගෙන හොයන එකයි. හැබැයි ඩොලර් 1 ක් වෙච්ච ගමන් ඒක ගන්න හදන්න එපා. පුලුවන් තරම් ඒක ඉන්වෙස්ට් කරන්න. ඩොලර් 300 ට වඩා දවසට තමන්ගේ අතට ගන්න ගොඩක් අය ඉන්නවා.

 

එකවුන්ට් එක හදලා හැමදාම ලොග් වෙලා ඔයාට තියෙන BAP සේරම අරගන්න. ඔයාගේ BAP එක වැඩිවෙන තරමට ඔයාට ලැබෙන දැන්වීම් වල වටිනාකමත් වැඩිවෙනවා. ඒ වගේම මතක තියාගන්න. එක BAP එකක් කියන්නේ ඩොලර් 0.0005 ක්. ඉතින් ඔයා BAP එකතු කරන ගානට ඔයාට නොදැනීම කොයි පැත්තකින් හරි ඔයාට මුදල් ලැබෙනවා. BAP ටික ඉවරයක් කරාට පස්සේ කෙලින්ම දවසට තියෙන දැන්වීම් ටික ක්ලික් කරන්න පටං ගන්න. ඒ වගේම දෙයක් කියන්න ඕන. ඔයාගේ BAP අගය 0 යිනම් ඔයාට කිසිම දැන්වීමක් ලැබෙන්නේ නෑ. එතකොට අනිත් දවස වෙනකම්ම ඉන්න වෙනවා. ඒ නිසා ගේම් ගහන්න ගිහිං තමන් හොයාගත්ත BAP ටික නැත්තටම නැති නොකරගත්තනම් තමයි හොඳ. 

කලින් කිව්වා වගේම ඔයා ඩොලර් 1 ක් හොයාගත්ත ගමං සල්ලි අරගන්න දගලන්න එපා. ඔයාට කරන්න තියෙන හොඳම දේ තමා ඩොලර් 1 කට මිළඳී ගන්න පුලුවන්කම තියෙන ඇඩ්වර්ටයිසින්ග් ඇඩ් පැකේජ් එකක් මිළදී ගන්න එක.

ඔයා මිලදී ගන්න හැම ඩොලර් 1.05 ක ඇඩ්වර්ටයිසින් පැක් එකකටම ඔයාට BAP 3100 ක් ලැබෙනවා. ඒ වගේම ඔයාට ඊලඟ දවස් කීපයට ඩොලර් 1.55 ක් වටිනා දැන්වීම් ලැබෙන්න ගන්නවා. ඒ කියන්නේ ඔයා වියදම් කරන හැම ඩොලර් 1.05 කටම ඔයාට ඩොලර් 1.55 ක් ආපහු ලැබෙනවා. ඒ වගේම ඔයා මිලදී ගන්න මේ ඩොලර් 1.05 ඇඩ් පැකේජ් එකෙන් ඔයාට ඔයා ලබා දෙන ලින්ක් එකට සීමාවක් නැතිව විසිටර්ස්ලා තත්පර 5 ක ඇඩ් එකක් එක්ක අරගන්න පුලුවන් වෙනවා. 

උදාහරණ-

ඔයා ඩොලර් 1.05 ඇඩ් එකක් මිළදී ගන්නවා.

ඒකට ඔයා වෙබ් සයිට් එකේ ලින්ක් එකක් දෙනවා www.www.com වගේ එකක්.

එතකොට ඔයාට ඒ සයිට් එකට සීමාවක් නැතිව ඒ ඔයා දුන්න සල්ලි බෙදිලා යනකම් විසිටර්ස්ලා එනවා.

ඒ වගේම ඔයාට BAP 3100 ක් ලැබෙනවා.

ඒ වගේම ඔ්‍යාට ඩොලර් 1.55 ක් වෙන්න ඊලග දවස් දෙක තුනේ දී දැන්වීම් ලැබෙනවා.

 ඉතින් ඔයාට කරන්න තියෙන්නේ Buy Ads වලට ගිහින් Create Campaign වලට යන්න. ඒ කරලා ඔයාගේ වෙබ් අඩවියේ හරි බ්ලොග් එකේ හරි ලින්ක් එක දෙන්න. ඔයාට ඕනනම් එතනින් preview එකක් වුනත් බලාගන්න පුලුවන්.  ඊට පස්සේ ඉතින් ඔයාට බැනර් තියෙනවනම් ඒවා පේන්න දාලා, නැත්නම් බැනර් නොදමා හරි සල්ලි ගාන බැදලා ටික වෙලාවක් ඉන්නයි තියෙන්නේ. ඒ නිසා ඔයා ඩොලරයක් හොයන හැම වෙලාවේම ඩොලර් 1.05 ඇඩ් පැකේජ් එකක් එකක් මිළදී අරගෙන ඩොලර් 1.55 ක මුදලක් ආපහු ලබාගන්න. ඔයා දිගටම මේක කරොත් ඔයා සයිට් එකේ ඇක්ටිව් මෙම්බර් කෙනෙක් විදිහට එයාලා පිළිඅරගෙන ඔයාට ලැබෙන ආදායම වැඩිවෙන්න ගන්නවා. 

ඒ වගේම දැනගන්න, ඔයාට ලැබෙන දැන්වීම රදා පවතින්නේ පැය 18 ක කාලයක් විතරයි. ඔයා ඒ පැය 18 අතර දැන්වීම් බැලුවේ නැත්නම් ඒක වෙන කෙනෙක්ට ලැබෙනවා.

ඔයාට BAP ගොඩක් තිබුනත් සමහර වෙලාවට ඔයාට දැන්වීම් ලැබෙන්න ටික වෙලාවක් ගතවෙන්න පුලුවන්. මම මේ සයිට් එකේ ලියාපදිංචි වෙලා මගේ BAP 400 හෙව්වට පස්සේ පලවෙනි දවසෙම, එදා දවසේ මට කිසිම දැන්වීමක් දැකගන්න පුලුවන් වුනේ නෑ. හැබැයි ඊට පහුවෙනිදා මට දැන්වීම් ගොඩක් තිබුනා. ඒ වගේම ඊලග දවස් කීපයේ මට තත්පර තිහක දැන්වීමකට 0.20$ ගෙවන දැන්වීම් දෙක තුනකුත් තිබුනා. ඔයා සල්ලි ඉන්වෙස්ට් කරලා BAP ගොඩක් හෙව්වොත් ඔයාට ඩොලර් 1 දැන්වීම් වුනත් ලැබෙන්න පුලුවන්. ඒ වගේම ඩොලර් 20ක එකක් වුනත් මේ තත්පර 5, තත්පර 30 දැන්වීම් බලලා. 

ඒ හන්දා සන්සුන්ව ඉදලා හැම පැය 18 කට ම වරක් සයිට් එකට ගිහින් බලන්න. BAP තියෙන ගාණ වැඩිවෙන තරමට ඔයාට ලැබෙන දැන්වීම් වල ගෙවීම වැඩිවෙනවා. ලඟදී මට 5$ක දැන්වීමක් ලැබුනා තත්පර 5ක් බලලා. ඒ මොකද මගේ ලඟ BAP ගොඩක එකතුවක් තියෙන නිසා.

ඒ වගේම මේකේ තව එක වැදගත් දෙයක් තියෙනවා ad filter කියලා. ඒකෙන් ඕනනම් පුලුවන් ඔයාට වැඩිපුර ගෙවන දැන්වීම් විතරක් ඔයාගේ දැන්වීම් ලැයිස්තුවේ පෙන්වාගන්න. ඔයාට ඇත්තටම ඕනනම් දැන්වීම් ගොඩක් විවෘත නොකර ඉක්මනටම සල්ලි හොයාගන්න එහෙනම් මේ ad filter කියන ඔප්ෂන් එක ඔයාලා එකතු කරගත්තනම් තමා හොඳ. ඒකට වියදම් වෙන්නේ ඩොලර් 10 ක් විතරයි. හැබැයි මාසෙන්, දෙකෙන් කල් ඉකුත් වෙන්නේ නෑ. ඒක ඉතින් ඔයාගේ එකවුන්ට් එක තියෙනකම්ම තියෙනවා. ඔයා එකපාරක් ඒක මිළදී ගත්තහම ඔයාට ඕන වෙලාවක ඒකේ තියෙන වටිනාකම වෙනස් කරගන්න පුලුවන්.

උදාහරණ-

මම 10$ දීලා ad filter එකක් ගන්නවා.

මම value එක 0.10 දෙනවා.

අනිත් දවසේ ඉදන් මට ලැබෙන්නේ 0.10ට වඩා වැඩියෙන් ආදායමක් ලැබෙන දැන්වීම් විතරයි.

ඒවගේම ඔයාට රෙෆරල්ලා පාවිච්චි කරලත් සල්ලි හොයාගන්න පුලුවන්. ඔයාට ඔයාගෙන් රෙෆ් වෙන කෙනා ගන්න ඇඩ් පැකේජ් වලින් 10%ක මුදලක් ලැබෙනවා. ඒ වගේම එයා දැන්වීම් බලලා හොයන සල්ලි වලින් 3% මුදලකුත් ලැබෙනවා. 

දැන්වීමක් නරඹනකොට එතන කොටු 3ක් තියෙනවා. ඔයාට කරන්න තියෙන්නේ ඒ කොටුවට උඩින් තියෙන ටෙක්ස්ට් එක කොපි පේස්ට් කරන්න විතරයි. එතකොට ඔයාට ඇඩ් එක දැකගන්න පුලුවන්. මේක දාලා තියෙන්නේ ඒ ඇඩ් එකට ලොකු අවධානමක් ඒ බලන කෙනා විසින් දෙන්නයි. හැබැයි අන්න ඒකම තමා හේතුවත් ඒ ඒ දැන්වීම් වලට ලොකු ගාණක් ගෙවන්නත්.

එහෙනම් වැඩේ කරගන්න. අනිත් සයිට් එක්ක ඉක්මනටම හම්බවෙමු. ජය!
  Good luck :)
w w w . s i r k i n a a . b l o g s p o t . c o m
#sirkinaa

බොහෝමයක් ඇන්ඩ්‍රොයිඩ් දුරකථන භාවිතා කරන්නන්ට ඇති ගැටළුවක් වන්නේ ඔවුන්ගේ දුරකථනයේ බැටරි ආරෝපණය ඉතාමත් වේගයෙන් බැස යාමයි. දැනට තිබෙන බැටරි ආරෝපණය යම් කාලයක් වැඩිපුර පවත්වාගැනීමට හැකියාවක් ඇති ඇප්ලිකේෂන් රාශියක් පෞද්ගලිකවම පරීක්ෂා කිරීමෙන් අනතුරුව දැනට තිබෙන හොඳම බැටරි ආරෝපණය රැකගැනීමේ ඇප්ලිකේෂන් පහක් දක්වා අඩු කරගැනීමට හැකිවිය. මෙම ලිපියෙන් දැක්වෙන්නේ එම ඇප්ලිකේෂන් පහයි.

ඔබ කවුරුත් රේසින්ග් ක්‍රීඩා වලට කැමැත්තක් දක්වනවා නියතයි. එමෙන්ම ඇන්ඩ්‍රොයිඩ් භාවිතා කරන ඔබ තිබෙන හොඳම රේසින්ග් ක්‍රීඩාවන් මොනවාදැයි මේ වනවිටත් නොදන්නවා විය නොහැක. මේ වන විට ඇන්ඩ්‍රොයිඩ් සංස්කරණයට පැමිණ ඇති ජනප්‍රියම ක්‍රීඩාවන් වන්නේ Asphalt 8, GR Racing 2 සහ Real Racing 3 යන ක්‍රීඩාවනුයි. මේ දුරකථන ක්‍රීඩා තුනටම තමන්ටම කියලා අනන්‍යතායක් තිබෙනවා. මමත් පෞද්ගලිකවම මෙම ක්‍රීඩාවන් තුනම ක්‍රීඩාකර තිබෙන අතර ගොඩක් ලොකු කැමැත්තක් දක්වනවා. මේ ක්‍රීඩාවන් තුන තමයි මම අලුත් දුරකතනයක් ගත් සැනින්ම ස්ථාපනය කරනු ලබන්නේත්. නමුත්, බෙන්ච්මාර්ක් අතින් ගත්විට මේ ඇස්පල්ට් 8, රියල් රේසින්ග් 3 සහ ජීටී රේසින්ග් 2 යන ක්‍රීඩාවන් දුරකථනයෙන් දුරකථනයට දක්වන ක්‍රියාකාරිත්වය වෙනස් වනු ඇත.

සැම්සුන්ග් සමාගමේ සියලුම ගැලක්සි දුරකථන මාදිලියන්හි ක්‍රියාත්මක වන මෙහෙයුම් පද්ධතිය වනුයේ ඇන්ඩ්‍රොයිඩ්ය. ඇන්ඩ්‍රොයිඩ් යනු Open source (විවෘත මෘදුකාංග) ගනයට අයත් වන මෙහෙයුම් පද්ධතියක්. Open source එහෙමත් නැත්නම් විවෘත මෘදුකාංගයන් යනු කුමක්දැයි දැනගැනීමට පහත සඳහන් ලිපිය නරඹන්න.

     • නිදහස් හා විවෘත මෘදුකාංග

මෙම ඇන්ඩ්‍රොයිඩ් මෙහෙයුම් පද්ධතිය විවෘත මෘදුකාංගයක් වූ නිසා ඕනෑම කෙනෙකුට තමන්ට අවශ්‍යය කරනු ලබන උපකරණයකට ගැලපෙන අයුරින් කේතයන් වෙනස් කරගැනීමට හැකියාවත් ඇත. මේ හේතුව නිසා සමහරක් දුරකථන නිපදවන සමාගම් හෝ පුද්ගලයන් මෙය තමන්ගේ වාසියක් බවට හරවා ගනු ලැබේ. ඒ, ජනප්‍රියතාවයෙන් ඉහළ ඇති දුරකථනයන් හා සමානව ඔවුන් නිර්මාණය කරනු ලබන බාල/දුර්වල දුරකථනයන්ට එම මෘදුකාංගයන් යොදා අඩු මුදලකට විකුණා ඔවුන් මුදල් හම්බකරගනු ලබයි. ඉතාමත් අඩු මිළ මට්ටමකට මෙම දුරකථනයන් විකුණනු ලබන නිසා බොහෝමයක් පාරිභෝගිකයන් මෙම මිළ මට්ටම සැලකිල්ලකට ගෙන එම දුරකථන මිළඳී ගැනීමක් සිඳු කරනු ලබයි. නමුත් එම දුරකථන වල ඇති දුර්වලතාවයන් ගැන ඔවුන්ට කිසිම දැනීමක් නොමැත. 

මෙම ලිපිය මඟින් සැම්සුන්ග් ගැලක්සි ජංගම දුරකථන මාදිලිය සැම්සුන්ග් සමාගම විසින් නිපදවනු ලද original එසේත් නොමැතිනම් මූලික පිටපතක්ද, එසේත් නොමැතිනම් වෙනත් සමාගමක් හෝ පුද්ගලයෙක් විසින් නිපදවනු ලද බොරු/බාල දුරකථනයක්ද යන වග දැනගත හැකි ක්‍රම කිහිපයක් ඔබට දැනගන්නට හැකියාවක් ලැබෙනු ඇත.

බොහෝ ව්‍යාජ දුරකථන් සමඟින් මූලික පිටපතක් සංසන්දනය කර බලන විට පිටතින්ම එය මූලික පිටපතක්ද නැතිනම් ව්‍යාජ පිටපතක්ද යන්න තේරුම් ගැනීමට හැක. ඔබ භාවිතා කරන්නේ කුමන සැම්සුන්ග් ගැලක්සි දුරකථනයක් වූවත්, එහි ඇති යම් පිටතට පෙනෙන්නට තිබෙන කාරණා මඟින් පහසුවෙන්ම ව්‍යාජ පිටපත් වෙන් කර හඳුනා ගැනීමට හැකියාවත් ඇත.

මෙම පහත පින්තූරයෙන් දක්වා ඇති කරුණු සියලුම ගැලක්සි දුරකථනයන්ට පොදු ලක්ෂණයන් වනු ඇත. ඒ මඟින් ඔබට සරල නිගමනයකට එලෙබීමට හැකියාවක් ලැබේ.

01. දුරකථනයේ තිරයෙහි දීප්තිමත් බව (brightness) සහ vibrate භාවය පිළිබඳ සැලකිලිමත් වෙන්න. සැම්සුන්ග් සමාගම විසින් ගැලක්සි දුරකථනයන්ට යොදවනු ලබන AMLOED තිරයන්හි ඇත්තේ අපගේ ඇසට ප්‍රියමනාප පෙනුමක් ඇති පැහැයන්ය. ස්වාභාවික වර්ණයන් මෙම තිරයන්ට පෙන්වන්නට හැකියාවක් ඇත. එමෙන්ම, එහි ඇති වයිබ්‍රේට් තත්වය ඉතාමත් සියුම් එකකි. නමුත්, ව්‍යාජ දුරකථනයන් වල තිරයෙහි ඇත්තේ තද සුදු පැහයකි. එය තිරය වසා දමනු ලැබූවත් යාන්තමින් දක්නට ලැබේ. නමුත්, ඔරිජිනල් ගැලක්සි දුරකථනයක තිරය වසා දැමුවහොත් එසේ කිසිම අයුරකින් කිසිම පැහයක් නොපෙන්වනු ලබන අතර තනිකරම කලු පැහැති තිරයක් පමණක් දිස්වෙයි. දීප්තියේද අඩුවක් දක්නට ලැබෙනු ඇත. එමෙන්ම ව්‍යාජ දුරකථයන් වල වයිබ්‍රේට් තත්වය ඉතාමත් ඉහළ අගයක් ගනු ලැබේ. කිසිම සියුම් ගතියක් නොමැත.

02. දුරකථනයේ තිරයෙහි දෙපැත්තෙහි ඇති දාරයෙහි පරතරය පිළිබඳ සැලකිලිමත් වෙන්න. ව්‍යාජ දුරකථනයන් වල තිරයේ සිට දුරකථනයේ අවසන් දාරයට ඇති පරතරය වැඩිවනු ඇත.

03. ඉදිරිපස ඇති SAMSUNG සන්නායක නාමය (logo) මත ඔබගේ ඇඟිල්ල ගෙන යන්න. ව්‍යාජ දුරකථනයන් වල ඇති සැම්සුන්ග් සන්නායක නාමය ඔබගේ ඇඟිල්ලට ඉදිරියට නෙරා පැමිණ ඇති බවක් දැනෙන්නට ඇත. ඔරිජිනල් දුරකතනයන් වල එසේ සන්නායක නාමය ඔබේ ඇඟිල්ලට දැනෙන්නේ නොමැත. එසේ ඇඟිල්ලට දැනෙන සන්නායක නාම ඇති ව්‍යාජ දුරකථනයන්වල ඇති එම නාමය පහසුවෙන් ගලවා ඉවත් කරන්නටද හැකියි.

04. දුරකථනයෙන් පිටත ඇති බොත්තම පිළිබඳ සැලකිලිමත් වෙන්න. Home, Power, Volume button පිළිබඳ සැලකිල්ලක් දැක්වූ විට ඒවාගේ ප්‍රමිතිය සහ තිබිය යුතු ස්ථානයන් ව්‍යාජ දුරකතනයන් වල වෙනස්ව දක්නට ඇත. ඉහත පින්තූරයේ දක්වා ඇති අයුරින්ම, එම බොත්තම් වල හැඩය, ප්‍රමාණය වෙනස් වනු ඇත.

05. දුරකථනයෙහි ඇති සෙන්සර් (sensors) පිළිබඳවද අවධානය යොමු කරන්න. ව්‍යාජ දුරකථනයන් වල සමහරක් සෙන්සර් දක්නට නොලැබෙන අතර, සෙන්සර් තිබේනම් ඒවා ඇති ස්ථානයන් වෙනස් වනු ඇත. 

06. තිරය පිළිබඳව සැලකිල්ලක් දක්වන්න. තිරය මත ඔබගේ ඇඟිල්ල රැගෙන යන විට එය වීදුරුවක් අයුරින් නොව ප්ලාස්ටික් තිරයක් මෙන් දැනෙනාවනම් එය ව්‍යාජ දුරකථනයකි. බොහෝ දුරට මෙම ව්‍යාජ දුරකථනයන් වල තිරය මත ඇඟිල්ල යම්තාක් බරක් යොදා තද කරනු ලැබූ විට එම තිරය දුරකථනය තුලට එබෙන බව ඔබට දැනෙනු ඇත.

ක්‍රියාකාරිත්වය අනුව ව්‍යාජ ගැලක්සි දුරකථනයක්ද වග දැනගන්න.

සමහර ව්‍යාජ ගැලක්සි දුරකථනයන් වල පිටතින් බලා එය ව්‍යාජ එකක්ද නැතිනම් මූලික පිටපතක්ද යන වග තේරුම් ගැනීමට අපහසුතාවයක් ඇතිවනු ඇත. කෙසේ වූවත්, දුරකථනයේ ක්‍රියාකාරිත්වය (performance) පිළිබඳව අවධානයක් යොමු කල විට, ව්‍යාජ දුරකථනයක්නම් දුරකථනයෙන් කිසිම වැඩක් කරගන්නට බැරි තරමට මන්දගාමී වනු ලබයි. පහත සඳහන් ඒවාද උත්සාහ කර බලන්න.

01. දුරකථනය තුල ඇති ඇප්ලිකේෂන් (applications) එකවර කිහිපයක්ම විවෘත කරන්න. Music player එක විවෘත කර ගීතයක් වාදනය වීමට ඉඩ හරින්න. ඉන්පසුව, එයින් පිටවෙන්නේ නැතිව Home button එක ඔබා එම ඇප්ලිකේෂන් එක ධාවනයට වන්නට ඉඩදී තවත් ඇප්ලිකේෂන් කිහිපයක්ම විවෘත කරන්න. කිසිදු ඇප්ලිකේෂන් එකකින් පිටනොවෙන්න. ඒ වෙනුවට Home button එක ඔබා අනිත් ඇප්ලිකේෂන් විවෘත කරන්න. ව්‍යාජ දුරකථනයක්නම් ඔබ ඇප්ලිකේෂන් හතරක් පමණ එකවර ක්‍රියාත්මක කරන විට එය මන්දගාමී වනු ඇත. නැතිනම් ක්‍රියාත්මක නොවී stuck වෙනු ඇත.

02. කැමරාව පිළිබඳ සැලකිලිමත් වන්න. පින්තූර කිහිපයක් දුරකථනයේ කැමරාව භාවිතා කර ලබාගන්න. කැමරාව විසින් පින්තූරයක් ලබාගැනීමට ගතවන කාලය පිළිබඳව සැලකිලිමත් වන්න. එකවර පින්තූර කිහිපයක් ගන්නා විට බොහෝ ව්‍යාජ දුරකථනයන් stuck වනු ඇත. එමෙන්ම ව්‍යාජ ගැලක්සි දුරකථනයන් වල පින්තූර වල ගුණාත්මකභාවය (quality) බොහෝසෙයින් අඩු මට්ටමක පවතියි. එමෙන්ම, කැමරාව විවෘත කර එහාට මෙහාට රැගෙන යන විට තිරයෙහි දක්නට ලැබෙන දර්ශනය කැඩි කැඩී සෙමින් ඔබට කැමරාව එහාට මෙහාට සොලවන විට දක්නට ලැබෙයිනම් එයද ව්‍යාජ දුරකථනයක් හදුනාගැනීමේ එක් ලක්ෂණයක් වනු ඇත.

03. බොහෝමයක් අලුතින් පැමිණෙනු ලැබූ ගැලක්සි දුරකථනයන් වල වීඩියෝ කරන අතරතුර පින්තූර ගැනීමේ හැකියාවක් පවතියි. නමුත් මෙම ව්‍යාජ දුරකථනයන් වල එම පහසුකම දක්නට නොලැබේ.

සැම්සුන්ග් කයිස් (Samsung Kies) භාවිතා කර අව්‍යාජ ගැලක්සි දුරකථන හඳුනා ගන්න

දැනට අව්‍යාජ එසේත් නොමැතිනම් ඔරිජිනල් ගැලක්සි දුරකථනයක් හඳුනා ගැනීමට ඇති පහසුම ක්‍රමයක් වන්නේ සැම්සුන්ග් කයිස් මෘදුකාංගය භාවිතා කිරීමයි. සැම්සුන්ග් කයිස් මෘදුකාංගය විසින් ඔබේ දුරකථනය පිළිබඳ විස්තර සොයා බලා අදාල දුරකථනය පිළිබඳ විස්තර ඔබගේ පරිගණක තිරය මත අදාල මෘදුකාංගය මඟින් පෙන්වනු ලබයි. ඔබේ දුරකථනය සැම්සුන්ග් කයිස් මඟින් හඳුනාගැනීමට පහත පියවරයන් අනුගමනය කරන්න:

01. Samsung Kies බාගත කරගෙන ඔබගේ පරිගණකයට ස්ථාපනය කරගන්න.

 

02. ඔබට ලැබී ඇති USB කේබලය භාවිතා කර, දුරකථනය පරිගණකයට සම්බන්ද කරන්න.

 

03. කයිස් විසින් ඔබගේ දුරකථනයෙහි නම සහ එහි ඇති මෘදුකාංගයන් පිළිබඳ තොරතුරු ඔබට දිස්කරනකම් මොහොතක් සිටින්න. එසේ තොරතුරු කයිස් විසින් ඔබට පෙන්වනු ලබයිනම් එය ඔරිජිනල් දුරකථනයක් යනුවෙන් අපට සැලකිය හැකියි.

 

04.  ඔබගේ දුරකථනය හඳුනා නොගත්තොත්, නැවත කේබලය ගලවා සවිකරන්න. කේබලයේ යම් පලුද්දක් ඇතිදැයි පරීක්ෂා කරන්න. එසේ කිසිවක් නොමැතිනම්, එම දුරකථනය ව්‍යාජ එකක් බව සැලකීමට හැක.

යෙදුම් මඟින් සැම්සුන්ග් ගැලක්සි දුරකථනයක් අව්‍යාජද යන්න සොයාගන්න

සැම්සුන්ග් ගැලක්සි දුරකථනයන් වලට වෙන්වූ කේතික යෙදවුම් (codes) කිහිපයක් ඇත. ඒවා මඟින් දුරකථනයේ යම් ක්‍රියාකාරකම් පරීක්ෂා කරන්නටද, දුරකථනයේ තොරතුරු දැනගන්නටද හැකියාවක් ඇත. ඔබට කරන්නට ඇත්තේ ඩයල් පෑඩ් (dial pad) එක මඟින් මෙම අංක ලබා දුන්විට ස්වයංක්‍රීයවම දුරකථනය විසින් එම කේත වලට ප්‍රතිචාර දක්වනු ලබයි. බොහෝ දුරට භාවිතා වන සැම්සුන්ග් කේත කිහිපියක් මෙහි දැක්වේ.

*#06# [Displays device IMEI number]
*#1234# [Displays device current firmware]
*#*#1472365#*#* [GPS test settings]
*#*#197328640#*#* [Service mode main menu]
*#*#4636#*#* [Diagnostic and general settings mode]
*#0*# [General Test Mode]
*#0228# [ADC Reading]
*#0283# [Audio Loopback Control]
*#0289# [Melody Test Mode]
*#03# [NAND Flash S/N]
*#0588# [Proximity Sensor Test Mode]
*#0589# [Light Sensor Test Mode]
*#0673# [Audio Test Mode]
*#07# [Test History]
*#0782# [Real Time Clock Test]
*#0842# [Vibra Motor Test Mode]
*#12580*369# [SW & HW Info]
*#1575# [GPS Control Menu]
*#2263# [RF Band Selection]
*#232331# [Bluetooth Test Mode]
*#232337# [Bluetooth Address]
*#232338# [WLAN MAC Address]
*#232339# [WLAN Test Mode]
*#2663# [TSP / TSK firmware update]

මෙම කේතයන් වල ප්‍රධානම කේතයන් කිහිපයක් පමණක් ව්‍යාජ දුරකථනයන් වල ක්‍රියාත්මක නොවේ. එම කේත ක්‍රියාතමක වන්නේ හුදෙක් අව්‍යාජ එසේත් නැතිනම් ඔරිජිනල් දුරකථනයන් වල පමණි.

01. ඔබගේ දුරකථනයේ LCD පරීක්ෂණික කේතය යොදවා බලන්න. ඒ සඳහා ඩයල් පෑඩ් එකෙහි *#0*# යන්න යොදන්න. එවිට පහත දක්වා ඇති පින්තූරයේ මෙන් ඔබගේ දුරකථනයේ එම මෙනුව පැමිණෙනවානම් ඔබේ දුරකථනය ඔරිජිනල් දුරකථනයක් ලෙස සැලකිය හැක. 

 

02. ඔබගේ දුරකථනයේ IMEI අංකය දිස්වන කේතය යොදවා බලන්න. ඒ සඳහා *#06# යන්න ඩයල් පෑඩ් එකෙහි සඳහන් කරන්න. එහි දැක්වෙන IMEI අංකය ඔබගේ දුරකථනයේ පිටුපස සඳහන්ව ඇති අංකයට සමාන විය යුතුය.

03. ඔබගේ දුරකථනයේ සංස්කරණය (version) කුමක්දැයි බලන්න. ඒ සඳහා, *#1234# යන්න ඩයල් පෑඩ් එකෙහි සඳහන් කරන්න. 

ඉහත සඳහන් ක්‍රම තුනම ඔබගේ දුරකථනයේ පෙන්වනු ලැබුවේ නැතිනම්, එයින් අදහස් වනුයේ එම දුරකථනය ව්‍යාජ දුරකථනයක් බවයි.

ඔබ සැලකිලිමිත් විය යුතු තවත් කරුණු කිහිපයක්

• බොහෝ විට ව්‍යාජ දුරකථනයන් වල ඇති ඇන්ඩ්‍රොයිඩ් සංස්කරණය දක්වන කොටසේ ඇති සංස්කරණ අංකය වෙනස් විය හැක. උදාහරණ වශයෙන් ගතහොත් Jellybean ඇන්ඩ්‍රොයිඩ් සංස්කරණය ගන්න. එහි අන්තිම සංස්කරණය වන්නේ 4.2.2 ය. නමුත් මෙම ව්‍යාජ දුරකථනයන් වල බොහෝවිට එය 4.2.6 වැනි අයුරින් පෙන්වනු ලබයි. නමුදු 4.2.6 යනුවෙන් සංස්කරණයක් ගූගල් සමාගම විසින් නිපදවා නොමැත.

• දුරකථනයෙහි මතක ධාරිතාවය (internal storage) 32GB වැනි අයුරකින් පෙන්වූවත් එය එසේ නොවේ. ඇත්තේ 5GB වලට වඩා අඩු මත ධාරිතාවයකි. එයිනුත් අපට ප්‍රයෝජනයට ගත හැකිවන්නේ 2GB වලටත් වඩා අඩු ධාරිතාවයකි.

• *#0*# යන කේතය අව්‍යාජ දුරකථනයන් වල පමණක් ක්‍රියාත්මක වූවාට, HDC නමින් නිර්මාණය කරනු ලබන ව්‍යාජ ජංගම දුරකථනයන් වල මෙම කේතය ක්‍රියාත්මක වනු ලබයි. එම නිසා, මෙම කේතය ක්‍රියාත්මක වන නිසාම එම දුරකථනය පිළිබඳව නිගමනයකට එලබීමෙන් වලකින්න. 

• එමෙන්ම, මෙම HDC නිර්මාණ කරුවන් made by Korea යනුවෙන් සඳහන් කරනු ලබනවා. ඒ පිළිබඳවද අවධානය යොමු කරන්න.

• සමහරක් ව්‍යාජ දුරකථනයන් වල IMEI අංකය නැරඹීමට ඇත්තේ වෙමන කේතයකි. එය මොඩමයක් මඟින් ව්‍යාජ දුරකථනයකට කේතාංගික කරනු ලැබූ එකකි. බොහෝවිට *#66# යනු එවැනි කේතයකි. මෙම කේතය මඟින් සමහර ව්‍යාජ දුරකථනයන් වල IMEI අංකය ලබා ගත හැක. නමුත්, ඔරිජිනල් දුරකථනයක IMEI අංකය ලබාගත හැක්කේ *#06# යන කේතයෙන් පමණි. එමෙන්ම ඔබට IMEI අංකයෙහි විස්තර පෙන්වනු ලබන වෙබ් අඩවියක් භාවිතා කර එම දුරකථනය පිළිබඳ තීරණයකට එලබීමට හැක. (http://www.imei.info/)

• ඔබට micro USB Jig උපකරණයක් මීලඳී ගැනීමට හෝ සොයාගැනීමට හැකියාවක් තිබේනම්, එය දුරකථනයට සම්බන්ද කල විට Downloading mod වලට දුරකථනය ස්වයංක්‍රීයවම ක්‍රියාත්මක වෙනවාදැයි බලන්න. එසේ ස්වයිංක්‍රීයවම downloading mod වලට දුරකථනය පිවිසුනහොත් එය ඔරිජිනල් දුරකථනයක් ලෙස සැලකිය හැක. (මෙම ජිග් එක තුල ඇත්තේ 300 K OHM ප්‍රතිරෝධකයකි(resistor). මයික්‍රෝ USB ජැක් එකක් ඔබ සතුව තිබෙනවානම් ඔබට මෙම jig එකක් නිර්මාණය කර ගත හැක. ඒ සඳහා දළ සැලසුමක් බැලීමට මෙතන ක්ලික් කරන්න).

• දුරකථනයේ ඉඳිරිපස නිරීක්ෂණය කර ව්‍යාජ දුරකථනයක්ද යන බව දැනගන්නවාක් මෙන්ම, පිටුපස කවරය ගලවා ඔරිජිනල් දුරකථනයක් සමඟ සංසන්දනය කර බැලීමෙන්ද එහි ඇති වෙනස්කම් නිසාවෙන් ව්‍යාජද, අව්‍යාජද යන බව සොයාගත හැක.

• ඔරිජිනල් කොරියන් දුරකථන වල model අංකය ආරම්භ වන්නේ SHV වලින්. Anycall දුරකථනයන් වලදී මෙය ආරම්භ වනුයේ SHW වලින්. නමුත් මෙම දුරකථනයන් දෙකේම model number එක අවසන් වෙන්නේ S, K හෝ L යන අක්ෂරයන් වලින්. ඔබට කොරියාවේ සිට වෙනත් රටක භාවිතයට ගැනීමට කොරියානු දුරකථනයන් ගෙන්වා ගැනීමට අවශ්‍යයනම් ඔබ කල යුත්තේ model number එක K අක්ෂරයෙන් අවසන් වන දුරකථනයක් ගෙන්වා ගැනීමයි (උදා: SHV-****K). නමුත් කොරියානු දුරකථනයන් වලට වඩා ඉක්මනින් ජාත්‍යන්තර (international) දුරකථනයන් වලට Updates/Firmware/Software ලැබෙනවා. ඔබ සැම්සුන්ග් දුරකථනයක් මිළඳී ගන්නට සිතනවානම් ජාත්‍යන්තර සංස්කරණයක් ඇති සැම්සුන්ග් දුරකථනයක් මිළඳී ගන්නවනාම් හොඳයි.

• ඩයල් පෑඩ් එක මත *#0*# යන්න සඳහන් කරන්න. එවිට ලැබෙන මෙනුවෙහි ඇති Sensor යන්න මත වරක් ටැප් කරන්න. ඉන්පසුව දකුණු පස උඩ කෙලවරෙහි ඇති Image test යන්න මත ටැප් කරන්න. එවිට Chihuahua සුනඛයෙක් ඔබට දැකගත හැකිනම් එයද ඔරිජිනල් දුරකථනයක් ලෙස සැලකිය හැක.

මේ පිළිබඳ ඔබ දන්නා කරුණුද එකතු කරන්න. මෙහි අඩුපාඩු ඇතිනම් ඒවාද මෙහි සඳහන් කරන්න.

සැම්සුන්ග් ගැලක්සි දුරකථනය ව්‍යාජ එකක්ද අව්‍යාජ එකක්ද යන්න දැනගන්න

w w w . s i r k i n a a . b l o g s p o t . c o m
#sirkinaa

අද ලිපියෙන් ඔබට කියාදෙන්නට යන්නේ 3D Sounds (3ඩී සවුන්ඩ්ස්) පිළිබඳවයි. මීට පෙර 3D එසේත් නොමැතිනම් ත්‍රිමාණත්වය යනු කුමක්ද, මෙම ත්‍රිමාණත්වය ක්‍රියාත්මක වන්නේ කෙසේද යන්න විස්තර කෙරෙන  ලිපි කිහිපයක් පලකරනු ලැබුවා.

සැම්සුන්ග් සමාගම විසින් නිකුත් කරනු ලබන සෑම ගැලක්සි එස් (Galaxy S) ස්මාර්ට් ජංගම දුරකථන මාදිලියකම උසස් තත්වයක් අපේක්ෂා කරනු ලබනවා මෙන්ම ඉඳිරියට පැමිණීමට තිබෙන සැම්සුන්ග් ගැලක්සි එස්6 (Samsung Galaxy S6 (SIV)) ස්මාර්ට් ජංගම දුරකථනයෙන්ද එයම බලාපොරොත්තු වනවා නොඅනුමානය. නමුත්, අනිකුත් ගැලක්සි එස් මාදිලියන්ට වඩා මෙවර මාදිලිය විශාල අවධානයක් ගෙන එනු ලබන වෙනසක් සිඳුවනු ඇතැයි සැලකිය හැක. පැහැදිලිවම මෙම දුරකථනය මඟින් අප ගැලක්සි එස් මාදිලියන්ගෙන් බලාපොරොත්තු වූ දේවල් වලට වැඩි දෙයක් මත අපට බලාපොරොත්තු තබාගත හැකියි. නම්‍ය කරනය වන තිරයක් සහ ලෝහ ආවරණයකින් සමන්විත වන මෙය Octa-core ප්‍රොසෙසරයකින් බලගැන්වෙන බවටයි කටකතා වලින් දැනගන්නට ලැබෙන්නේ. එමෙන්ම, මෙහි ඇති යම් යම් සුවිශේෂිතා අන්තර්ජාලයේ යම් වෙබ් අඩවි තුල කතාවෙනු දක්නට ඇත. මෙම ලිපියෙන් දක්වා ඇත්තේ එම කරුණු සියල්ලම එක් ස්ථානයකට ගෙනහැර දැක්වීමයි. ඒ අතුරින් Samsung Galaxy S6 දුරකථනයේ විශේෂීතාවයන්, ලක්ෂණයන්, මිළ ගණන්, කටකතා සහ අනෙකුත් සියලුම දේ මෙම ලිපියෙන් ඔබට දැනගැනීමට හැකිවෙනු ඇත.

සැම්සුන්ග් ගැලක්සි S6 හි සැලසුම් සංකල්පය (Samsung Galaxy S6 Design Concept) 

සැම්සුන්ග් ගැලක්සි S6 ස්මාර්ට් ජංගම දුරකථනය පැහැදිලිවම සැම්සුන්ග් ගැලක්සි S3 (Samsung Galaxy S3) සහ සැම්සුන්ග් ගැලක්සි S4 (Samsung Galaxy S4) යන ස්මාර්ට් ජංගම දුරකථනයන් හා සමාන පෙනුමක් තිබිය හැකියි. එමෙන්ම සැම්සුන්ග් ගැලක්සි S2 (Samsung Galaxy S2) සහ සැම්සුන්ග් ගැලක්සි S3 හෝ බ්ලැක්බෙරි Z10 (Blackberry Z10) හෝ සැම්සුන්ග් ගැලක්සි නෝට් 3 (Samsung Galaxy Note 3) යන ස්මාර්ට් ජංගම දුරකථයන්ගේ තිරයන්හි එකතුවක් ලෙස මෙම දුරකථනයේ තිරය නිමවී තිබිය හැකියි.

සියලුම ගැලක්සි එස් මාදිලියන්ට තිබුනේ ප්ලාස්ටික් ආවරණයක් නිසා ගැලක්සි නෝට් 3 දුරකථනය ලෝහමය ආවරණයකින් සමන්විත වේයැයි සියල්ලන්ම බලාපොරොත්තු වූවත්, එම බලාපොරොත්තූන් සියල්ලක්ම කඩකරමින් නෝට් 3 ජංගම දුරකථනයටද පැමිණියේ ප්ලාස්ටික් ආවරණයකි. නමුත්, මෙවර ගැලක්සි S6 දුරකථනයට ලෝහ ආවරණයකින් සැදුම්ලත් බදක් පැමිණීමේ සාපේක්ෂතාවය 75% දක්වා ඉහළ මට්ටමක පවතිනවා.

සැම්සුන්ග් ගැලක්සි S6හි බලාපොරොත්තු වනු ලබන සැලසුම(Samsung Galaxy S6: Expected Design)

ගැලක්සි S5 (Galaxy S5) ජංගම දුරකථනය ප්ලාස්ටික් ආවරණයකින් සමන්විත නිසා පාරිභෝගිකයන් බොහෝ දෙනෙක් ඒ පිළිබඳව කලකිරීමෙන් සිටිනු දක්නට ලැබුනා. මේ හේතුව නිසා ගැලක්සි S6 ස්මාර්ට් ජංගම දුරකථනයට ශක්තිමත් බද ආවරණයක් යොදාගන්නට උත්සාහ කරනු ඇතැයි විශ්ලේෂකයින්ගේ මතය. ඒ ජංගම දුරකථනයේ ආවරණය ඇලුමීනියම් හෝ ග්‍රාෆේන් යන ලෝහයන්ගෙන් නිර්මාණය වන බවයි. කෙනෙකුට මේ අනුව මෙම දුරකථනයේ බර පිළිබඳව ගැටලුවක් පැන නැගෙනු ඇත. මෙම ජංගම දුරකථනය සුපුරුදු පරිඳිම සැහැල්ලු, බරින් අඩු දුරකථනයක් වූවත් ලෝහ ආවරණය නිසා යම් කිසි කුඩා බරක් එකතු වනු ඇත. ඇලුමීනියම් භාවිතා නොකර ග්‍රාෆේන් භාවිතා කලහොත් බර ඒකාකාරී බවකින් පවත්වාගෙන යන්නට හැකිවනු ඇතැයි විශ්ලේෂකයින් තවදුරටත් පැවසීය.

ස්මාර්ට් ජංගම දුරකථනයන්ගේ වර්ධනයත් සමඟම තිරයෙහි විශාලත්වයද වැඩිවෙමින් පවතිනු ලබයි. මෙම ගැලක්සි S6 දුරකථනයෙහි තිරයෙහි විශාලත්වය අඟල් 5.1ක් පමණ වනු ඇත. මෙම තිරය විශාල ඉහළ තාක්ෂණයකින් සමන්විත වනු ඇත. දිගු කාලයක පටන් සැම්සුන්ග් සමාගම පවසා සිටියේ ඔවුන්ගේ ගැලක්සි දුරකථන මාදිලියට නම්‍යකරනය වන තිරයක් හඳුන්වා දෙනු ලබන බවට. ඔබට දැනට නම්‍ය කරනය වූ තිරයක් ඔබට දැකගැනීමට ඇත්තේ ගැලක්සි රවුන්ඩ් (Galaxy Round) සහ ගැලක්සි ෆිට් (Galaxy Fit) යන උපකරණයන්ගේ පමණි. නමුත්, මෙම උපකරණයන් දෙකට තවත් උපකරණයක් ඉඳිරියේදී එකතුවනු ඇත. කටකතා වලට අනුව නම්‍ය කරනය වූ තිරයක් ගැලක්සි S6 දුරකථනයට ස්තාපිත කරන්නට සැලසුම් කරනු ලබනු ඇත.

සැම්සුන්ග් ගැලක්සි S6 හි ලක්ෂණයන් (Samsung Galaxy S6: Expected Features)

සෑම නවතම ස්මාර්ට් ජංගම දුරකථනයක් සමඟම, පාරිභෝගිකයින් බලාපොරොත්තු වන්නේ විශාලත්වය, ක්‍රියාශීලී බව, වේගවත් බව සහ තවත් කොට්ඨාෂයක් ලස්සන බවද බලාපොරොත්තු වනු ලබනවා. සැම්සුන්ග් සමාගමද මෙම සියලුම අපේක්ෂාවන්ට තැනක් ලබා දී තිබෙනවා. නමුත් ප්‍රොසෙසරය, කැමරාව, තිරය සහ කල්පැවැත්ම යන කාරණයන්ට තවමත් විශාල වශයෙන් අවධානයක් යොමු කර නොමැත.

• *. පෙර තිබූ එස් මාදිලියේ දුරකථයන්හි කැමරාව මෙම දුරකථනයට පැමිණෙන විට හැත්පසින්ම වෙනස් වනු ඇත. ඒ මෙගා පික්සල් 20ක පිටුපස කැමරාවක් සහ මෙගාපික්සල් 4-7 අතර ඉඳිරිපස කැමරාවක් මෙම දුරකථනයට එකතු වනු ඇත.
• *. ගැලක්සි S5 දුරකථනයට ඇත්තේ 32GB ප්‍රොසෙසරයකි. මෙම දුරකථනයට පැමිණෙන විට, මෙම ප්‍රොසෙසරය භාවිතයට නොගනු ඇත. තරඟකරුවන් මෙම 32GB ප්‍රොසෙසරය අභිබවා ගොස් ඇති බැවින් සැම්සුන්ග් සමාගමද 64GB ප්‍රොසෙසරයකට ගමන් කරනු ඇතැයි සැලකිය හැක. කටකතා වලට අනුවනම් මෙහි Octa-core ප්‍රොසෙසරයක් දැකගත හැකිවනු ඇත.
• *. මෙම ගැලක්සි S6 ස්මාර්ට් ජංගම දුරකථනය නවතම ඇන්ඩ්‍රොයිඩ් 5.0 (ලොලිපොප්) සංස්කරණය සමඟ සැම්සුන්ග් සමාගමේ Touchwiz අතුරු මුහුණත සමඟින් පැමිණෙනු ඇත. 
• *. 40ppi සමඟින් පුළුල් Quad HD  අඟල් 5.1කින් සමන්විත තිරයක් මෙම දුරකථනය එකතු වනු ඇත. S5 දුරකථනයෙහි ඇත්තේ 1080 full screen HD තිරයක් වන අතර, මෙම S6 දුරකථනයෙහි 2560×1440 ක තිරයක් අපේක්ෂා කරනු ලබයි.
• *. සියල්ලන්ටම අවශ්‍ය වනුයේ ඔවුන්ගේ දුරකථනයෙහි ඇති බැටරියේ ආයු කාලය වැඩියෙන් තිබීමටයි. සැම්සුන්ග් සමාගම මෙයට පිළිතුරක් වශයෙන් S5 දුරකථනයට බැටරියෙහි ආරෝපණය අඩු වූ විට එය ටික වේලාවක් වැඩිපුර තබාගන්නට පිළියමක් එකතු කරනු ලැබුවා. දක්නට ලැබෙන කාරණයන්ට අනුව මෙම දුරකථනයේ බැටරිය 4000mAH වනු ඇත. එමෙන්ම 5000mAH ගැලක්සි S6 දුරකථනය වෙනුවෙන් නිර්මාණය වනු ලබන බවටද ආරංචි මාර්ග වලින් දැනගන්නට ලැබී ඇත. නමුත් බොහෝ දෙනෙකු පවසනු ලබන්නේ 4000mAH බැටරියක් මෙම දුරකථනයත් සමඟින් පැමිණෙනු ඇති බවටයි.
• *. මෙම දුරකථනයට රැහැන් රහිත ආරෝපණ (Wireless charging) ක්‍රිමයක් හඳුන්වා දෙනු ලබනු ඇත. 
• *. මෙම දුරකථනය 32GB සහ 64GB වශයෙන් මතක ධාරිතාවන් වර්ග දෙකකින් සමන්විත වනු ඇත. එමෙන්ම 256GB මතක ධාරිතාවක් microSD චිප් භාවිතා කර වැඩිකරගත හැක.
• *. S5 දුරකථනයෙන් හඳුන්වා දුන් ඇඟිලි සළකුණු සුපිරික්සනය (Finger print scanner) බොහෝ දුරට සාර්ථක දෙයක් නොවුනු අතර මෙම S6 දුරකථනය මඟින් එම විශේෂාංගයද තවත් අලුත් මට්ටමකට, නවීකරණය වූ මට්ටමකට ගෙනියනු ලබනු ඇත. 
• *. 2G, 3G සහ 4G LTE යන නෙට්වර්ක් මට්ටම් තුනේදීම මෙම S6 දුරකථනය ක්‍රියාත්මක වනු ඇත.
• *. S5 දුරකථනය ජලයට යම්තාක් ඔරොත්තු දීමේ හැකියාවක් ඇත. එම හැකියාවම S6 දුරකථනයනටත් අඩංගු වනු ඇත. නමුත්, විශ්ලේෂකයින් පවසන අන්දමට සම්පූර්ණයෙන්ම ජලයට ඔරොත්තු දීමේ හැකියාවක් මෙම ගැලක්සි S6 ස්මාර්ට් ජංගම දුරකථනයට ඇත. 

බලාපොරොත්තු විය හැකි මිළ ගණන් (Expected Prices)

සැම්සුන්ග් ස්මාර්ට් ජංගම දුරකථනයන් සෑම විටකදීම නවතම දුරකථනයක් වෙළඳපොලට පැමිණි විගස එහි මිළ ගණන් බොහෝ සෙයින් අධිකයි. මෙම දුරකථනයේද එම මට්ටම සුපුරුදු අයුරින්ම දකින්නට ලැබෙනු ඇත. නමුත්, මෙම දුරකථනය පෙර තිබූ ගැලක්සි එස් මාදිලියන්ට වඩා ටිකක් මිළ වැඩිවීමක් දක්නට ලැබෙනු ඇතැයි සිතිය හැකියි. ඒ ඇමරිකානු ඩොලර් 750ට තිබෙන දුරකථනය ඩොලර් 800කට ලබා දෙන මට්ටමේ මෙම දුරකථනය තිබෙන බැවිනි.

• *. ඉන්දියාවේ මිළ (Samsung Galaxy S6 Price In India): Rs 55,000/- (ආසන්න වශයෙන්)
• *. එක්සත් රාජධාණියේ මිළ (Samsung Galaxy S6 Price In UK): $800 (ආසන්න වශයෙන්)
• *. කැනඩාවේ මිළ (Samsung Galaxy S6 Price In Canada): $800 (ආසන්න වශයෙන්)
• *. ඇමරිකාවේ මිළ (Samsung Galaxy S6 Price In US): $800 (ආසන්න වශයෙන්)
• *. ඩෙන්මාර්කයේ මිළ (Samsung Galaxy S6 Price In Denmark): 5000 DK (ආසන්න වශයෙන්)
• *. ඉතාලියේ මිළ (Samsung Galaxy S6 Price In Italy): යුරෝ 674 (ආසන්න වශයෙන්)
• *. චීනයේ මිළ (Samsung Galaxy S6 Price In China) : 5501.15 Chinese Yuan (ආසන්න වශයෙන්)
• *. රුසියාවේ මිළ (Samsung Galaxy S6 Price In Russia): 29654.18 Russian Ruble (ආසන්න වශයෙන්)
• *. ඕස්ට්‍රේලියාවේ මිළ (Samsung Galaxy S6 Price In Australia): 997.205 Australian Dollar (ආසන්න වශයෙන්)
• *. කොරියාවේ මිළ (Samsung Galaxy S6 Price In Korea): 1004617.52 South Korean Won (ආසන්න වශයෙන්)
• *. සිංගප්පූරුවේ මිළ (Samsung Galaxy S6 Price In Singapore): 1139.105 Singapore Dollar (ආසන්න වශයෙන්)
• *. මලයාසියාවේ මිළ (Samsung Galaxy S6 Price In Malaysia): 2924.790 Malaysian Ringgit (ආසන්න වශයෙන්)
• *. ශ්‍රී ලංකාවේ මිළ (Samsung Galaxy S6 Price In Sri Lanka): 118357.85 Sri Lankan Rupee (ආසන්න වශයෙන්)
• *. බෙල්ජියම්හි මිළ (Samsung Galaxy S6 Price In Belgium) : Euro 674 (ආසන්න වශයෙන්)
• *. ජර්මනියේ මිළ (Samsung Galaxy S6 Price In Germany): Euro 674 (ආසන්න වශයෙන්)
• *. දකුණු අප්‍රිකාවේ මිළ (Samsung Galaxy S6 Price In South Africa): 8925.57 South African Rand (ආසන්න වශයෙන්)
• *. නවසීලන්තයේ මිළ (Samsung Galaxy S6 Price In New Zealand): 1134.925 New Zealand Dollar (ආසන්න වශයෙන්)
• *. ඉන්දුනීසියාවේ මිළ (Samsung Galaxy S6 Price In Indonesia): 9243055.58 Indonesian Rupiah (ආසන්න වශයෙන්)
• *. ඉරාකයේ මිළ (Samsung Galaxy S6 Price In Iraq): $800 (ආසන්න වශයෙන්)
• *. ඉරානයේ මිළ (Samsung Galaxy S6 Price In Iran): $800 (ආසන්න වශයෙන්)
• *. හොන්ග් කොන්ග් වල මිළ (Samsung Galaxy S6 Price In Hong Kong): 6972.90 Hong Kong Dollar (ආසන්න වශයෙන්)

පාරිභෝගිකයාට නිකුත් කරන දිනය (Expected Release Date)
2015 මාර්තු මාසයේ තිබෙන MWC එක වෙනකම් නිළමට්ටමෙන් ප්‍රකාශිත දිනයක් දන්වන්නේ නැහැ. නමුත් ආරංචි වලට අනුව, සැම්සුන්ග් සමාගමට ප්‍රකාශිත මෝස්තරයක් තිබෙනවා. ඒ, සැම්සුන්ග් ගැලක්සි S5 පාරිභෝගිකයාට නිකුත් කරේ 2014 අප්‍රේල් මාසයේදීයි. පෙනෙන අයුරින් ඊලඟ S මාදිලිය ප්‍රකාශයට පත් කරන්නේ 2015 අප්‍රේල් මාසයේ විය යුතුයි.


ප.ලි - මෙය හුදෙක් නිළමට්ටමෙන් ප්‍රකාශිත නොවූවක් වන අතර, අන්තර්ජාලය තුල ඇති නොයෙකුත් තොරතුරු එකතු කරගනිමින් නිර්මාණය වුනු ලිපියක් වේ. මෙහි ඇති කරුණු කාරණා සහ පින්තූර ඉඳිරියේදී නිවැරදි නොවිය හැකි අතර, මෙය දැනට ඔබට මේ පිළිබඳව යම් ආකල්පයක් ලබාගැනීමට නිර්මාණය වූවක් බව කරුණාවෙන් සළකන්න.

Samsung Galaxy S6 Specification, Features ,Price ,Rumors And Everything You Need To Know

w w w . s i r k i n a a . b l o g s p o t . c o m
#sirkinaa

අද ලිපියෙහි මාතෘකාව වන්නේ 3D TV එහෙමත් නැත්නම් ත්‍රිමාණ රූපවාහිනී පිළිබඳවයි. මේ 3D TV එහෙමත් නැත්නම් ත්‍රිමාණ රූපවාහිනී පාරිභෝගිකයාට මිළඳී ගන්න මුලින්ම වෙළඳපොලට භාණ්ඩයක් වශයෙන් පැමිණියේ 2012 වර්ෂයේදී. මේ 2014 වර්ෂය වෙනකම් ඇවිත් තිබෙන මෙම ත්‍රිමාණ රූපවාහිනී තාක්ෂණයෙන් ඔබට ත්‍රිමාණ දර්ශණයන් දැකගැනීමටනම් ඔබට තවත් එක් උපකරණයක් අවශ්‍ය වනු ඇත. ඒ ත්‍රිමාණ දර්ශණ නැරඹීම සඳහා පමණක්ම ඇති උපැස් යුවලක්.

ඔබ සිතන අයුරින් මිනිසුන් වන අපි මේ පරිසරය ඇස් දෙකෙන් දකින්නේ 2D ආකාරයටද, නැතිනම් 3D ආකාරයටද? සරළව පිලිතුරක් ලබා දෙනවානම් අපි දකින්නේ 3D ආකාරයට. 3D ආකාරය යනු ත්‍රිමාණවයි. නමුත් මෙම ලිපිය අවසාන වෙන තෙක් ඔබ කියව්වොත්, ඔබේ හිතේ තියෙන සමහර සිතුවිලි වෙනස් කරගත්තානම් හොඳයි කියලා.